МҮХАҮТ-аас гадаад худалдаа, бизнесийн хамтын ажиллагааг дэмжих үйл ажиллагааны хүрээнд Бүгд Найрамдах Энэтхэг Улсын Элчин Сайдын Яамтай хамтран “Энэтхэг улстай хамтран ажиллах бизнесийн боломж” сэдэвт уулзалтыг зохион байгуулах тул бизнес эрхлэгчдийг хүрэлцэн ирэхийг урьж байна.
Уулзалтын зорилго нь бизнес эрхлэгчдийг Энэтхэг улсын зах зээлд нэвтрэх боломж, эдийн засаг, худалдаа, хөрөнгө оруулалтын орчны тухай мэдээллээр ханган, бизнесийн хамтын ажиллагаагаа өргөжүүлэхэд дэмжлэг үзүүлэх зорилготой.
Тухайн уулзалтын хүрээнд Энэтхэг Улсын тухай дараах сэдвүүдийн хүрээнд мэдээлэл хийгдэнэ. Үүнд:
Энэтхэг Улсын худалдаа эдийн засгийн өнөөгийн байдал, цаашдын боломж (Энэтхэг Улсаас Монгол улсад суугаа ЭСЯ)
Хөдөө аж ахуйн (сүү,сүүн бүтээгдэхүүн) салбарын хөгжил, хамтран ажиллах боломж (НҮБ-ын Хүнс Хөдөө Аж Ахуйн байгууллага FAO )
Эм, эм зүйн салбарын өнөөгийн байдал, хамтран ажиллах боломж
Аялал жуулчлалын салбарын хамтын ажиллагааны боломж
Хүнсний салбарын хамтын ажиллагааны боломж (цай, кофе, халуун ногоо)
Боловсролын салбарын хамтын ажиллагааны боломжууд
Хамтран ажиллах бизнес саналуудын тухай мэдээлэл
Уулзалтад Энэтхэг улстай бизнесийн хамтын ажиллагаагаа хөгжүүлэх сонирхол бүхий бизнес эрхлэгчид оролцох боломжтой бөгөөд хүний тоо хязгаартай тул дараах хаягаар 2018 оны 12 дугаар сарын 11-ний өдрийн дотор бүртгүүлнэ үү.
БҮРТГҮҮЛЭХ: http://membership.mn:8080/front/login
Уулзалт төлбөргүй бөгөөд 2018 оны 12 дугаар сарын 12-ны өдрийн 10.00 -13.00 цагт МҮХАҮТ-ын 1 дүгээр давхрын Их танхимд болно.
Холбогдох хаяг:
МҮХАҮТ, Гадаад Харилцаа, Худалдаа ,Хөрөнгө Оруулалтын Газар
Утас: 312501, 99117644
Цахим хаяг: tsetsegmaa@mongolchamber.mn