Энэ сарын 15-ны өдрийг хүртэлх байдлаар, Монгол Улс, БНХАУ-ын хуурай замын хамгийн том боомт Замын-Үүд, Эрээн хотын төмөр замын экспорт, импортын хэмжээ 11.4 саяд тоннд хүрчээ. Энэ нь өнгөрсөн 2017 оны бүтэн жилийн тээврийн нийт хэмжээнээс илүү гарсан үзүүлэлт юм. Ийнхүү Замын-Үүдээр нэвтрэх импорт, экспортын бараа бүтээгдэхүүн тээвэрлэлтийн хэмжээ сүүлийн таван жил дараалан долоон хувийн хурдтай өсч байгаа ажээ.