Өмнөговь аймгийн Ханбогд сумыг 2030 онд хот болох зорилгоор албаныхан хот төлөвлөлтийг хийж байна. Тус сум нь 7500 хүн амтай, 30,000 хөдөлгөөнт хүн амтай уул уурхайн бүтээн байгуулалт эрчимтэй хөгжиж, үүнийгээ дагаад хүн амын төвлөрөл үүсч байгаа юм. Тиймээс сайн боловсрол, сайн эмнэлэг, эко орчин, дэд бүтцийг онцолж бүтээн байгуулалтуудаа үүнд чиглүүлж байна. Энэ жилийн хувьд 640 хүүхдийн сургууль, 200 хүүхдийн цэцэрлэгийн цогцолборыг баригдаж байна. Уг бүтээн байгуулалт ашиглалтад орохоор тэнд ажиллаж амьдарч буй 30,000 иргэний хүүхдүүд ая тухтай нөхцөлд сурч боловсрох сайхан орчин бүрдэнэ.
Мөн тус аймгийн Засаг дарга Н.Наранбаатараар ахлуулсан ажлын хэсэг сумдад ажиллах үеэрээ Ханбогд суманд нэн хэрэгцээтэй асуудлуудыг шийдэхээр болжээ. Үүнд Цагдаагийн тасгийн барилгын дулаан, автомашины засвар, 21, 22 дугаар цэцэрлэгийн гаднах тохижилт, хяналтын камержуулалт, Эрчимд зуух, хашаа, нүүрс буулгах талбай, гал унтраах ангид шуурхай албаны автомашин, ерөнхий боловсролын сургуульд дулаан, сантехник, сандал ширээ, бага оврын автобус, ЭМТ-д рентгэн аппарат, соёлын төвд автомашин, ЗДТГ-т автомашины засвар үйлчилгээ хийх гэх мэт Ханбогд сумын төрийн байгууллага, ард иргэдийн өмнө тулгамдаж буй эдгээр асуудлыг шийдэхээр боллоо. Ерөнхий төлөвлөгөөгөөр ирээдүйд хот болох боломжтой сумынхны асуудлыг ийн газар дээр нь шийдвэрлэжээ.