Монголын үндэсний бөхийн холбооноос намрын нээлтийн барилдааныг өнгөрсөн амралтын өдрүүдэд зохион байгуулахаар товлоод байсан. Гэвч Бөхийн холбооныхны хоёр талцалаас болж барилдааныг “Бөхийн өргөө”-нд зохион байгуулах боломжгүй болж хойшлуулснаар, өчигдөр буюу аравдугаар сарын 6-нд “Алдар” спорт хорооны зааланд болж өндөрлөлөө.
Барилдааныг Улсын гарьд И.Доржсамбуу, Улсын заан Ц.Магалжав нар зохион байгуулсан байна. Барилдаанд Улсын арслан П.Бүрэнтөгс, Ц.Содномдорж, Э.Оюунболд тэргүүтэй Улс, аймгийн алдар цолтой 192 бөх зодоглосноос Саруул сайжрах, үлэмж бадрах Улсын аварга П.Бүрэнтөгс түрүүлжээ.
Дашрамд дуулгахад, өнгөрсөн жилийн намрын нээлтийн барилдаанд Улсын арслан Р.Пүрэвдагва, Улсын заан Н.Жаргалбаяр, Улсын харцага Ш.Уламбаяр, Д.Бат-Эрдэнэ, М.Бадарч, О.Хангай тэргүүтэй 240 бөх зодоглосноос Ховд аймгийн Буянт сумын харьяат, Хилчин СХ-ны бөх, Улсын шинэ залуу харцага О.Хангай найм даван түрүүлж байв.