Монголын Залуучуудын 22 дахь өдрийг угтан Дархан-Уул аймгийн ГБХЗХГазрын харьяа Залуучууд хөгжлийн төвөөс Залуучуудын хөгжлийн сарыг аяныг “Бидний Дархан” уриан дор 2018 наймдугаар сарын 25-аас есдүгээр сарын 22-ны өдрүүдэд зохион байгууллаа. Залуучуудын хөгжлийн сарын аяны хүрээнд Залуучууд хөгжлийн төв аймгийн Засаг даргын Тамгын газар болон иргэний нийгмийн байгууллагуудтай хамтран зохион байгуулж 10 гаруй мянган залуусыг хамруулсан есөн үйл ажиллагааг зохион байгуулсан. Залуучуудын хөгжлийн төвийн дэргэдэх Хувь хүний ур чадварыг хөгжүүлэх, манлайлагч залуусыг бэлтгэх, нийгэмд түүчээлэх зорилго бүхий “ЛИДЕР” залуучуудын клуб, урлагт дуртай залуусын “AVENGERS” клубээр дамжуулан хөгжих боломжийг бүрдүүлэн ажиллаж байна. Мөн залууст нээлттэй ажлын байрны зарыг ХХҮГ-тай хамтран Даваа гараг бүр Залуус хөгжлийн төвийн байранд болон фэйсбүүк хаяг, болон 7037-7953 дугаараар бүртгэдэг байна. Залуучуудын хөгжлийн сарын хаалтын үйл ажиллагаанд Залуучууд театрын уран бүтээлчид, Харш хамтлаг болон Дархан хотын авьяаслаг залуучууд уран бүтээлээ өргөн барьж “Залуу ээжүүд холбоо” ТББ гарын бэлгээ гардуулж бяцхан хүүхдүүдээ дагуулан ирсэн хоёр ээжийг баярлуулжээ.