Засгийн газар өнөөдөр ээлжит бусаар хуралдаж байна. Хуралдаанаар 2019 оны төсвийн төслийг хэлэлцэж байгаа юм. Уг төслийг өнгөрсөн лхагва гаригт болсон Засгийн газрын ээлжит хуралдаанаар хэлэлцэхээр бэлтгээд байсан юм. Сангийн сайд Ч.Хүрэлбаатар “Ирэх оны төсвийн хүрээнд татвар төлөгчдөд хөгжин дэвших орон зайг өгөх, бүртгэлийн тогтолцоог сайжруулах замаар татварын суурийг нэмэгдүүлэх, төсвийн орлогыг бодитойгоор төлөвлөх, эдийн засгийн өсөлтийг дэмжсэн татварын орчныг бүрдүүлэх бодлогын арга хэмжээг хэрэгжүүлэхээр тооцсон” гэж онцолсон байна.
Мөн өнөөдрийн хуралдаанаар багш нарын цалинг 2019 онд хэрхэн нэмэгдүүлэх асуудлыг хэлэлцэнэ гэсэн чигтэй байгаа юм.