Инфляцийн түвшин өнгөрсөн наймдугаар сард 0.8 хувь болж буурлаа хэмээн Үндэсний статистикийн хорооноос мэдээллээ.
Харин инфляцийн үзүүлэлт өмнөх оны эцсээс 4.6 хувиар, өмнөх оны мөн үеэс 6.0 хувиар өссөн байна. 6.0 хувиар өсөхөд хүнсний бараа, эм тариа, эмчилгээний бүлгийн үнэ, орон сууц ус цахилгаан бүлгийн дүн нөлөөлжээ. Түүнчлэн инфляци Өмнөговь, Говь-Алтай, Баян-Өлгий, Дорнод аймагт 0.1-0.7 хувиар өсч, бусад аймагт 0.5-2.0 хувиар буурсан байна. Харин Хэнтий аймагт 0.7 хувиар өссөн нь хамгийн өндөр үзүүлэлт юм.
Улаанбаатар хотод наймдугаар сард 0.9 хувиар буурч, өмнөх оны мөн үеэс 6.4 хувиар өсөхөд тээврийн бүлгийн үнэ дүнгээрээ 4.7 хувь, согтууруулах ундаа, тамхины бүлгийн үнэ дүнгээрээ 8.2 хувь, орон сууц, ус, цахилгаан, түлшний бүлгийн үнэ дүнгээрээ 15.7 хувиар өссөн нь голлон нөлөөлсөн байна.