“Шүүхийн шийдвэр гүйцэтгэх байгууллагын ажилтны өдөр”-ийг жил бүрийн дөрөв дэх долоо хоногт тэмдэглэн өнгөрүүлдэг. Тус өдрийг тохиолдуулан ШШГЕГ-ын харьяа 433 дугаар хаалттай хорих анги Сэлэнгэ аймгийн Мандал сумын Засаг даргын тамгын газартай хамтран “Сайн үйлсийн аян” өрнүүлсэн байна.
Энэ хүрээнд тус сумын амьдралын түвшин доогуур нэг ядуу нэг өрхөд эд материалын, Говь-Алтай аймаг дахь Шүүхийн шийдвэр гүйцэтгэх хэлтэс аймгийн нэн ядуу болон хөгжлийн бэрхшээлтэй хүүхдүүдийн судалгааг гаргуулж, цэцэрлэгийн насны нэг, хөгжлийн бэрхшээлтэй хоёр, сургуулийн насны гурван хүүхдэд хичээлийн хэрэгсэл бэлэглэжээ.
Мөн Өвөрхангай аймаг дахь Шүүхийн шийдвэр гүйцэтгэх газар Арвайхээр суманд оршин суудаг гурав, өрхийн гурван хүүхдэд хувцас, хичээлийн иж бүрэн хэрэглэл өгч тусламж үзүүлсэн аж.
Түүнчлэн Увс аймаг дахь Шүүхийн шийдвэр гүйцэтгэх газар Улаангом сумын долдугаар багт оршин суух өрх толгойлсон нэн ядуу иргэн Б.Нямсүрэнд 14 хоног хэрэглэх хоол хүнсний бүтээгдэхүүн, ариун цэврийн хэрэглэл зэрэг эд материалын тусламжийг тус тус үзүүлсэн байна.