Нийслэлийн мэргэжлийн хяналтын байгууллагаас энэ сарын 15-аас ирэх сарын 15 хүртэл “Төрийн хяналт иргэн таны төлөө” гэсэн аяныг эхлүүлжээ. Энэ аяныг хүрээнд ард иргэдийн эрх зөрчигдсөн гомдол, саналыг хүлээж авч байгаа аж. Иргэний гомдлын дагуу зөвшөөрөлгүй эм, биологийн идэвхт бүтээгдэхүүн худалдаалсныг илрүүлсэн талаар өнөөдөр мэдээлэл хийлээ.
Энэ үеэр НМХГ-ын дарга Д.Цэнд-Аюуш “Манай фэйсбүүк хуудсанд иргэн Батцэцэгээс гомдол ирсний дагуу шалгахад Жин Чен Хай ХХК, Аполло ХХК-иуд эмийн сүлжээ бүтээгдэхүүнийг сурталчилж, гишүүн элсүүлж, импортлох зөвшөөрөлгүй зарж борлуулсан зөрчил гарсан. Компанид үзлэг шалгалт хийн 11 төрлийн 155 хайрцаг эмийг хурааж, торгуулийн арга хэмжээ авсан. Эдгээрэм Монгол улсын эмийн бүртгэлд бүртгэгдээгүй байсан. Энэхүү эмүүдийг шинжилгээнд оруулна. Хүмүүс хувь хүнээс баталгаагүй эмийн бүтээгдэхүүн авч эрүүл мэндээ хохироохгүй байхыг анхааруулж байна” гэв.
Улсны байцаагч Д.Оюунбилэг “Монгол улсын эмийн бүртгэл бүртгэгдэхийн тулд тухайн бүтээгдэхүүн заавал Эрүүл мэндийн хөгжлийн төв дээр бүртгэгдэх ёстой. Үүнийг hos.mn апплекейшнээр шалгах болно. Мөн чанарын баталгаатай импортлогч аж ахуй нэгжүүдээсхудалдаж авч байх хэрэгтэй гэж ард иргэддээ зөвлөе. Мөн тусгай зөвшөөрөлгүй орж ирсэн эм худалдан авсан иргэд дахин гомдол гарган хэрэг үүсгэж хохирлоо барагдуулж болно” гэлээ.
БНХАУ-ын иргэн Ли Лянхуй захиралтай Аполло ХХК-ыг зөрчлийн хуулийн 6.6 зүйлийн 5 дугаар заалтын дагуу 500.000 төгрөгөөр торгожээ. Харин Жин Чен Хай ХХК-ийг гурван сая төгрөгөөр торгосон байна. Мөн эмэгтэйчүүдийн гель, түрүү булчирхайн гель, эрүүлжүүлэн чадавхжуулах бэлдмэл, үе мөчний хосолсон бэлдмэл, нүдний болор угаагч, цус цэвэрлүүлэг кансул, витамины комплекс, эмчилгээний наалт, кальци, усан зүү гэсэн нэр төрлийн 7.798.000 төгрөгийн эмийн бүтээгдэхүүнийг хураан авчээ.
Манай улс дөрвөн боомтоор эм болон эмийн хэрэгсэл оруулахын зөвшөөрдөг аж. Харин иргэн хувийнхэрэгцээндээ хэрэглэнэ хэмээн оруулаад гар дээрээс худалддаг байна. Хувь хүнээс баталгаагүй эм худалдаж авахгүй байхыг анхаарууллаа.
С.ОЮУНЖАРГАЛ