Өнөөдөр Боловсрол Соёл, Шинжлэх Ухаан, Спортын яамны сайд Ц.Цогзолмаа Нарны хорооллын сургуулийн бүтээн байгуулалттай танилцлаа.
Энэ үеэр цэцэрлэг сургуулийн ажлыг гүйцэтгэсэн компаний удирдлагууд болон тус хороололд оршин суудаг эцэг эхийн төлөөлөлтэй уулзлаа.Маргааш болохЗасгийн газрын хуралдаанаар нарны хорооллын сургууль цэцэрлэгийн цогцолборыг төрийн өмчийнх болгон хүлээж авах ажлыг танилцуулахад бэлэн болсон тухайгаа мэдээллэв.
Дөрвөн давхар орчин үеийн сургуулийн гадна сайдыг ирэх сургаар оршин суугчид цугларсан байв. Хүмүүсийн дунд хүүхдээ тэвэрсэн, асуулт асуусан, баярласан, эргэлзсэн олон хүн байлаа. Эргэлзэх шалтгаан бол маргаашийн Засгийн газрын хуралдаанаар төрийн өмчийн сургууль болгох болов уу үгүй юу гэдэгт оршино. Хэрвээ улсын сургууль болчихвол иргэд үр хүүхдээ шинээр баригдсансургууль цэцэрлэгт үнэгүй явуулах боломжтой болно.Харин Боловсролын сайд улсын өмч болгох болно гэж хэлсэнд иргэд баярлаж алга ташлаа.
Сайд Ц.Цогзолмаа хэлэхдээ “Өнгөрсөн дөрөвдүгээр сараас эцэг эхийн төлөөллүүдсанал тавьсан. Шинээр баригдаж байгаа сургуулийг төрийн өмчийн сургууль болгож хүүхдүүдийг үнэгүй суралцуулах талаар. Монгол улсад сургууль цэцэрлэгийн хүрэлцээ хангалтгүй .МУ-ын Засгийн газар 2018 онд сүүлийн 20 жилд байгаагүй хөрөнгө оруулалт хийж хүүхдийн сурах орчинг сайжруулах, сургалтын чанар бүтээмжийг дээшлүүлэх чиглэлд анхаарал тавин ажиллаж байгаа.
Нарны хорооллын шинэ баригдсан сургууль нь 960 хүүхдийн суудалтай, орчин үеийн стандартаар хийгдсэн, хүүхдийг ая тухтай сурах бүхий л бололцоог хангасан жишиг сургууль болсон гэж үзэж байна. Үүнийг Барилга хөгжлийн төв, Боловсролын яам, Сангийн яамнаас оролцсон хоёр удаа ажлын хэсэг ажиллаж шалгасан. Гүйцэтгэгч компаний хувьд сүүлийн үеийн дэвшилтэт технологи, хүүхдэд аюулгүй ээлтэй орчинг бүрдүүлсэн. Тийм учраас энэ есдүгээр сарын нэгэн гэхэдэндхийн оршин суугчдын хүүхдүүдийг сургуульд сурах бүрэн боломжийг хангахын тулд боловсролын яам анхаарч ажиллаж байна гэв.
Иргэд Ц.Цогзолмаа сайдаас барьсан байгуулсан нь гол биш үр дүн л чухал. Хамгийн гол нь шинээр барьсан сургуулиа улсад хүлээж аваач ээ хэмээх саналаа дуу нэгтээ хэлцгээнэ.
Нарны хорооллын оршин суугчА. Гэрэлмаа сайдад хандаж хэлэхдээ “маргааш Засгийн газрын тогтоол гарсныг бид нар тамга тэмдэгтэйг нь цаасаар хармаар байна.Өнгөрсөн намраас хойш сургуульдаа бүртгэл эхэлсэн гэж ярьсан. Одоо болтол ашиглалтанд ороогүй. Бид аргаа барахдаа 1200 хүний гарын үсэг цуглуулаад А.Ундраа гишүүнээр дамжуулж холбогдох бүх шатанд нийслэл, УИХ, Ерөнхий сайдадасуудлаа хүргүүлсэн. Бид үнэхээр хаширч байна.Тиймээс маргаашийн Засгийн газрын шийдвэрээ ил тод нээлттэй мэдээллэхийг хүсэж байна гэв.
Түүнчлэн Иргэд энэ асуудлаар наймдугаар сарын 10 нд жагсан гэж байж. Хэрвээ сургуулийн асуудлыг шийдээд нарны хорооллын хүүхдүүдийг улсын сургуульд сургах юм бол жагсах шаардлага байхгүй гэцгээв.
Сайд иргэдийн асуултанд хариулахдаа “бид жагсаал гэхээсээ илүү ярилцаж ойлголцоод асуудлаа шийдэх хэрэгтэй. Тийм учраас би өөрийн биеэр ирж оршин суугчид, эцэг эхчүүд та бүхэнтэй уулзаж байна.Энэ сургуулийг улсынх болгох шийдвэрээ өөрийн биеэр танилцуулахаар ирсэн. Яагаад гэвэл цаашдаа монголын бүх сургуулиудыг ийм болгомоор байна. Бид хүүхдүүдэд сурах таатай орчин, сайн боловсрол эзэмшүүлэхийг зорьдог. Энэ боловсролын орчноос ирээдүйн монгол улсямар байх нь харагдана. Тийм учраас орчин үеийн стандартаар олон сургууль барих хэрэгтэй.Тендер зарлагддаг. Хамгийн муу үнийн саналтай компани ороод чанаргүй сургууль барьж хүндрэл үүсгэдэг. Хэрвээ сургууль барих юм бол ийм сургууль барь гэсэн жишиг сургууль болсон. Үүнийг аймаг орон нутгийн Засаг дарга, сургуулийн захиралуудадтанилцуулж сургуулийнхаа орчныг ийм болгооч ээ гэж үзүүлэхээр төлөвлөсөн. Та бүхэн засгийн газрын шийдвэрт та эргэлзэх хэрэггүй. Монгол Улсын Ерөнхий сайд хэлэхдээ: түрүүчийн засгийн газрын хуралдаан дээр иргэдээс надад мессеж ирсэн. Тийм болохоор Сангийн яам, Боловсролын яам, Барилга хөгжлийн төв гүйцэтгэгч компанитайгаа хамтраад шийдвэрээ гаргаж ажиллаарай гэж үүрэг өгсөн байгаа. Иймээс эцсийн шийдвэр гарахад бэлэн болсон. Төр сургуулийг өөрийн мэдэлдээ авч хүүхдүүдийг төлбөргүй сургах болно. Асуудлыг хүүхэд дээр төлбөр болгохгүйн тулд их цаг хугацаа зарцуулсан” гэв.
Маргаашийн Засгийн газрын хуралдааны шийдвэрийг үндэслэн сургуулийн захирал эрхлэгчийг хуулийн хүрээнд томилох юм байна. Сургуулийн бүртгэл наймдугаар сарын 15-аас эхлэн бүртгэх аж.
Б.ОЮУНЖАРГАЛ
