“Даншиг наадам-Хүрээ цам 2018” шашин соёлын наадмын хүчит бөхийн барилдаанд дөрвөн бөх Даншигийн начин цолны болзол хангав.
Уг наадамд хүчит 256 бөх зодоглосноос Ховд аймгийн Эрдэнэбүрэн сумын харъяат Ц.Заяатүшиг, Увс аймгийн тэс сумын харъяат Б.Баянмөнх, Архангай аймгийн Цэнхэр сумын харъяат М.Бадарч, Говь-Алтай аймгийн Цээл сумын харъяат Ж.Бат-Эрдэнэ нар тав давж начин цолны болзол хангалаа. Дашрамд дурьдахад энэхүү наадмын хүчит бөхийн барилдаанд Даншигийн 8, улсын 33 цолтон хүч үзэн барилдаж байна.