Өмнөговь аймгийн Ханбогд сумын Гашуунсухайтын түр замаар наймдугаар сарын 2-ны өдөр 16:10 цагаас зорчиж эхэлсэн бөгөөд 17:30 цагт замын хөдөлгөөнийг тодорхойгүй хугацаанд бүрэн хааж байна. Учир нь хүчтэй орсон борооны улмаас ТТ 126 -127км хооронд түр зам дээр 4 хэсэг газарт үер бууж зорчих боломжгүй болсон. Энэ хугацаанд 140 ачаатай тээврийн хэрэгсэл нэвтрүүлсэн бөгөөд зарим нь үерийн усанд суусан тул ачаатай тээврийн хэрэгслүүдийг татаж гаргах ажил хийгдэж байна. Цаг агаарын мэдээгээр энэ сарын 6-г хүртэл бороотой байх бөгөөд энэ хугацаанд түр замын ажил хийгдэх боломжгүй болж байгааг албаныхан мэдээллээ.
