Өчигдөр хуралдсан НИТХ-ын Тэргүүлэгчдийн хуралдаанаас энэ онд нийслэл хотын ойгоос бэлтгэх модны хэмжээг хэлэлцэн баталлаа. Ойн тухай хуулийн дагуу нийслэлийн нутаг дэвсгэрт орших ойн сангаас түймэр, хортон шавьж, өвчинд нэрвэгдэж цаашид ургах чадваргүй болсон, мөн ойн хэвийн өсөлт хөгжлийг хангах зорилгоор жил бүр тодорхой хэмжээний унанги мод, гишүү мөчрийг цэвэрлэдэг.
Энэхүү үйл ажиллагаа нь ойн төлөв байдлыг сайжруулах, ойг байгалийн аясаар нөхөн сэргэх нөхцлийг хангах зорилготой.Энэ онд нийслэлийн нутаг дэвсгэрийн ойн сангаас бэлтгэх модны хэмжээг 6100 шоо метр байхаар баталлаа. Тогтоолын хэрэгжилтэд хяналт тавьж ажиллахыг Нийслэлийн Засаг дарга, Улаанбаатар хотын захирагчид даалгав.