Тариалангийн үйлдвэрлэлтэй холбогдох эрх зүйн баримт бичиг, төрөөс хэрэгжүүлж буй бодлого, төсөл хөтөлбөр, олон улсын чиг хандлага, салбарт нэвтэрч буй дэвшилтэт технологийн талаар шинэ мэдлэг мэдээлэл олгох зорилготой агрономичдыг мэргэшүүлэх сургалт ХХААХҮЯ-ны хурлын танхимд боллоо. Сургалтад нийслэлийн Хан-Уул, Сонгинохайрхан, Чингэлтэй, Баянзүрх, Сүхбаатар, Багануур, Багахангай, Налайх дүүрэг болон Сэлэнгэ, Төв, Дархан-Уул, Булган, Орхон аймгийн нийт 22 сум болон дүүргийн 30 гаруй газар тариалангийн мэргэжилтэн-агрономичид оролцсон юм.
Тариаланчид энэхүү сургалтад хамрагдсанаар салбарын шинээр гарсан журмуудтай танилцахаас гадна хүнсний ногооны тариалангийн талбайн хөрсний үржил шимийг хадгалах, хамгаалах, нөхөн сэргээх арга, таримлын үр, сорт, тариалах, ургуулах технологийн шинэчлэлийн талаар ойлголттой болж байна.
Сургалтын үр дүнд тариаланчдад сертификат гардуулж, газар тариалангийн бүтээгдэхүүнд гарал үүслийн буюу баталгааны тэмдэг олголоо.