ОХУ-д болж буй хөлбөмбөгийн ДАШТ-ий В хэсгийн Португал, Мароккогийн тоглолт Москва хотын “Лужники” цэнгэлдэх хүрээлэнд Улаанбаатарын цагаар оройн 20 цагт болж, дэлхийн таван удаагийн шилдэг хөлбөмбөгчин К.Роналдо дөрөв дэх минутад хожлын гоолыг орууллаа. Ийнхүү К.Роналдо ДАШТ-д нийт дөрвөн гоол оруулснаар мэргэн буучдын жагсаалтыг тэргүүлж байна. Түүний араас ОХУ-ын Артем Дзюба 3 гоолтой жагсаж байгаа.
Тэрбээр ийнхүү багтаа чухал гурван оноог авчирч чадлаа. Марокко энэ тоглолтоос заавал оноо авах даалгавартай байсан боловч Португалын эсрэг юу ч хийж чадсангүй. Тоглолт цор ганц гоолоор өндөрлөсөн.
Хэсгийн эхний тоглолтод Испанитай 3:3-аар тэнцэж, нэг оноо авсан Португалын шигшээ баг дөрвөн оноотой болсноор хэсэгтээ хоёрт бичигдлээ. Португалчууд хэсгийн сүүлийн тоглолтоо зургадугаар сарын 25-д Ирантай хийнэ.