Дүрвэгсдийн асуудлаар Холбооны канцлер Ангела Меркельтэй тохиролцож чадахгүй байгаагаа Германы ДХЯ-ны тэргүүн бөгөөд Баварийн Христийн нийгмийн холбооны тэргүүн Хорст Зеехофер Welt am Sonntag сонинд ярьжээ.
“Би энэ эмэгтэйтэй цаашид ажиллаж чадахгүй нь” хэмээн Зеехофер намынхаа орон нутгийн хэсгийнхний зөвөлгөөн дээр хоёр ч удаа хэлээд амжсан юм.Тус намынхан зургаадугаар сарын 14-нд зөвлөлгөөний хийжээ.
Христийн нийгмийн холбоо болон Ангела Меркелийн тэргүүлдэг Христийн ардчилсан холбоо нь дүрвэгсдийн асуудлаар санал зөрөлдөөд удаж байна. Канцлер дээрх асуудлаар нийт Европын байр суурийг барьж байгаа бол Дотоод хэргийн сайд бичиг баримтгүй дүрвэгчид эсвэл нэг удаа зөвшөөрөл өгөхөөс татгалзсан цагаачдыг хил дээрээс буцаах хэрэгтэй гэж үздэг ажээ.
Германы улс төрийн томоохон эвслийг бүрдүүлэгч намын хагарал нь засаглалын хямралд хүргэж болзошгүй юм. Зургаадугаар сарын 15-нд хоёр намын хагарал үүслээ гэсэн мэдээллийг Гессен мужийн Hessischer Rundfunk телевиз түгээжээ. Үүнтэй зэрэгцээд Австрийн канцлер Себастьян Курц, хууль бус цагаачдын эсрэг Вена- Берлин- Ром гэсэн тэнхлэг байгуулахыг уриалсан байна. Европын холбооны олон орон Венийн саналыг дэмжиж байгаа юм.
2015 оноос хойш Герман 1,5 сая гаруй дүрвэгч хүлээн аваад байна.