Баянзүрх дүүргээс иргэдийн эрүүл, ая тухтай, таатай орчинд амьдрах нөхцөлийг бүрдүүлэхийн тулд багагүй ажлыг санаачлан зохион байгуулдаг билээ. Тэгвэл орон нутгийн төсвийн хөрөнгөөр дүүргийн хэмжээнд 22 хорооны нутаг дэвсгэрийн нийт 120.000 м.кв талбайг хусч, тэгшлэх ажил явагдаж буй юм. Тухайлбал дүүргийн Нийтлэг үйлчилгээний газар-1 ОНӨААТҮГ дүүргийн 10 дугаар хорооны 6.000 м.кв талбайн замыг тэгшлэхээр төлөвлөж ажлаа эхлүүллээ хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.