Үндэсний соёл амралтын хүрээлэнд эргэлддэг пуужин буюу “Сансрын хөлөг” тоглоом өнөөдөр доош унаж, хүүхдүүд гэмтсэн байна.
Тоглоом дээр байсан хүүхдүүдэд эрүүл мэндийн яаралтай тулсамж үзүүлсэн бөгөөд хүүхдийн амь нас эрсдээгүй болохыг Цагдаагийн байгууллагаас мэдээллээ.
Энэхүү ослын улмаас дөрвөн хүүхэд гэмтэж, тэднийг ГССҮТ-д шилжүүлжээ. Одоогоор Нийслэлийн мэргэжлийн хяналтын байгууллага болон Цагдаагийн байгууллагаас хамтарсан шалгалтыг хийж байна. Урьдчилсан байдлаар уг тоглоом нь насжилт өндөртэй, хуучирсан гэдэг дүгнэлт хийжээ.
Үндэсний соёл амралтын хүрээлэн нийт 22 тоглоомтой. Үүнээс “Сансрын хөлөг” тоглоом нь найман хүний багтаамжтай аж. Тоглоом эвдэрч, доош унах үед бүхээгт хэдэн хүүхэд байсныг одоогоор тогтоогоогүй байна.
Сүхбаатар дүүргийн мэргэжлийн хяналтын газраас хэргийн газарт шалгалт хийж, маргааш албан ёсны тайлбар хийнэ хэмээн мэдэгдлээ.
