“Улаанбаатар цом – 2018” олон улсын боксын тэмцээн болно. АСА циркэд 20 гаруй орны ширэн бээлийтнүүдийн гал гарсан тулааныг 2018.06.20-06.24-ний өдрүүдэд сонирхох боломжтой. Эмэгтэй боксын жингийн төрөл 2016 оноос эхлэн нэмэгджээ. Энэхүү олон улсын тэмцээн Монголд болсноор гадаадын тамирчидтай хамтран бэлтгэл хийж, туршлага солилцох боломжтой болдог аж. Тиймээс Монголын боксын тамирчид дэлхийн рингэд хүчтэй өрсөлдөгч болдог гэдгийг дасгалжуулагчид цохон тэмдэглэв. Эмэгтэй төрөл нэмэгдснээр Монголын эмэгтэй тамирчид олон жинд медаль хүртэж байв. Тэмцээнийг зохион байгуулагчид “Улаанбаатарын цом” тэмцээн нь маш шударга шүүлттэй, ялсан нь бол ялалтаа авдаг. Ямар нэгэн луйвар гардаггүй гэдгийг хэлэв.
С.ОТГОНБАЯР