Дэлхийн Бөхийн Холбооны дэлхийн чансааны оноо олгох “Mongolia Open” олон улсын тэмцээн 2018 оны зургадугаар сарын 09-10-ны өдрүүдэд болно. “Буянт-Ухаа” спортын ордонд зохион байгуулагдах уг тэмцээнд ОХУ, Хятад, АНУ, Канад, Казахстан, Кыргызстан, БНСУ, Австрали, Нигери, Гватемал, Монголын 300 орчим тамирчид оролцох юм. Эрэгтэй, эмэгтэй тус бүр 10 жинд дэлхийн болон дотоодын чансааны онооны төлөө өрсөлдөхөд бэлэн болоод байна. Дэлхийн шилдэг тамирчид олноор өрсөлдөх тус тэмцээнд чөлөөт бөхийн сургалт явуулж буй секц, дугуйлан, спортын клубүүд, нийгэмлэг, спорт хороод бөхийн спортоор хичээллэгч хүүхэд залуучуудыг өргөнөөр хамруулан оролцохыг Монголын чөлөөт бөхийн холбооноос уриалж байна.