“Америкийн үндэсний сагсан бөмбөгийн холбоо”-ны бүсийн аваргын төлөөх тоглолтууд явагдсаар байна. Тавдугаар сарын 28-нд Дорнод бүсийн аврагын цувралын долоо дахь тоглолт Бостон Селтикс багийн ТЖ Гардэн цэнгэлдэхэд Клэвлэнд Кавальерс болон Бостон Селтикс багуудын хооронд явагдав.
Тус тоглолтонд Клэвлэнд Кавальерс баг 87-79 оноогоор ялалт байгууллаа. Ийнхүү хатуу ширүүн долоон тоглолтын эцэст Клэвлэнд Кавальерс Дорнод бүсийн аврага болов. Энэ удаад Лэброн Жэймс 35 оноо, 15 самбар, есөн ашигтай дамжуулалт хийж багаа тэргүүлсэн. Бостон Селтикс багийн хувьд Жейсэн татум 24 оноо, Маркус Моррис 12 самбар авч тус тус багаа тэргүүлсэн байна.
Клэвлэнд Кавальерс өрнөд бүсийн аврагаар шалгарсан багтай лигийн аврагын төлөө тоглоно. Өрнөд бүсийн цувралын долоо дахь тоглолт маргааш Хьюстэн Рокэтс болон Голдэн Стэйт Вариорс багийн хооронд болох юм.