АНУ болон Өмнөд Солонгосын цэргийн хамтарсан сургуулилттай холбоотойгоор АНУ-тай хийхээр товлосон уулзалтаа Умард Солонгос цуцалж магадгүй тухай өмнө нь “Ёнхап” агентлаг мэдээлж байсан.
Тэгвэл Умард Солонгосын удирдагч Ким Жөн Унтай Сингапурт хийхээр товлоод байсан уулзалтаа цуцалж байгаагаа АНУ-ын Ерөнхийлөгч Дональд Трамп мэдэгджээ. Тэрбээр Умард Солонгосын удирдагчид захидал илгээсэн байна. Захидалд “Та бүхний ихээхэн уур хилэн, дайсагнасан байдлаа харуулсан саяхны мэдэгдэлтэй холбоотойгоор эртнээс төлөвлөж байсан уулзалтыг одоо хийх нь зохисгүй гэж үзэж байна” хэмээн дурдсан байна. Дэлхий дахин болон Умард Солонгос энх тайван, хөгжил цэцэглэлтэд хүрэх том боломжийг алдлаа” хэмээн хэлэхийн сацуу цаашид яриа хэлэлцээ хийхэд бэлэн байгаа, хэвээр авч үлдэх бодолтой байгаагаа илэрхийсэн байна. “Хэрвээ та чухал ач холбогдолтой дээд хэмжээний уулзалтын талаархи бодлоо өөрчилвөл над руу бичих юм уу утсаар холбогдоорой” гэж Д.Трамп захидалдаа дурдсан ажээ.
