Баянгол дүүргийн 20 дугаар хорооны нутаг дэвсгэр болох таван шарын автобусны буудалд зөвшөөрөлгүйгээр Түргэн үйлчилгээний цэг ажиллуулж байсан иргэн А-г торгожээ. Тодруулбал, цагдаагийн хоёрдугаар хэлтсийн авто эргүүлд үүрэг гүйцэтгэж байсан цагдаагийн ахлах дэслэгч Ц.Мөнхбат, цагдаагийн ахлах ахлагч Г.Зоригтбаатар нар Зөрчлийн тухай хуулийн 10.4 дүгээр зүйлийн нэг дэхь хэсэгт зааснаар уг зөрчилд тавин мянган төгрөгийн торгуулийн арга хэмжээ авсан байна. Цагдаагийн алба хаагчийн тухайн үед гаргасан үйлдэл, сахилга ёс зүйн асуудалтай холбогдуулан албаны шалгалт явуулж байгаа аж.