Төр нийгмийн нэрт зүтгэлтэн, соён гэгээрүүлэгч, Монгол Улсын төрийн хошой шагналт, зууны манлай “Тунгалаг Тамир” романы зохиолч Ч. Лодойдамба, түүний гэргий Монгол Улсын ардын жүжигчин, Ч.Долгорсүрэн нарын “Гэрэлт хайрын хөшөө”-г өчигдөр Үндэсний цэцэрлэгт хүрээлэнд босгожээ.
Хөшөөний нээлтэд “Тунгалаг тамир” киноны Эрдэнэ, Дулмаа нарын дүрийг бүтээсэн МУГЖ Н.Баатар, МУГЖ Ш.Дэлгэржаргал нар ирж оролцов.
“Тунгалаг Тамир”-ын үнэнч уншигч Өвөр монгол ахан дүүсийн хандиваар энэхүү хөшөөг бүтээсэн аж. Зохиолч Ч.Лодойдамба “Сайхан хайр гэж байдаг юм. Олдвол бүү алдаарай” хэмээсэн байдаг.