Эрдэм шинжилгээний ажилтныг аттестатчилах журамд нэмэлт, өөрчлөлт оруулан, Боловсрол, соёл, шинжлэх ухаан, спортын сайдын “Журамд, нэмэлт, өөрчлөлт оруулах тухай” А/242 тоот тушаалыг баталлаа. Үүнтэй уялдуулан өмнөх журмаар зохицуулагдаж байсан зэрэг дэвийг хадгалах болон бууруулах үндэслэлийг хассан болно.
Журамд оруулсан нэмэлт, өөрчлөлтөөр хүндэтгэн үзэх шалтгаанаар ээлжит аттестатчилалд хамрагдаагүй эрдэм шинжилгээний ажилтныг жил бүр аттестатчилах шаардлага болон аттестатчилал явуулах хугацаа зэргийг тодорхой тусгаад байна. Мөн аттестатчиллын комиссын бүрэлдэхүүн болон үнэлгээнд өөрчлөлт орууллаа. Эрдэм шинжилгээний ажилтны зэрэг дэвийг ахиулах зорилгоор үнэлгээний оноог үндэслэн аттестатчиллын комиссын авах арга хэмжээг зэрэг дэвийг ахиулах, хугацаатай боломж олгох, ээлжит аттестатчилал хүртэл зэрэг дэвийн асуудлыг хэлэлцэхгүй байхаар зохицуулсан байна.