Засгийн газрын 2016-2020 оны үйл ажиллагааны хөтөлбөрт “Боловсролын түвшин, чиглэл тус бүрээр үнэлгээний систем, шалгуур, аргачлалыг хянан сайжруулж, үйлчилгээний чанар, үр дүнг эцэг эх, сурагчдын оролцоотой үнэлэх боломжтой болгох” зорилт тусгасан.
Боловсролын хүрээлэн, Боловсролын Үнэлгээний төвөөс боловсролын үнэлгээний олон улсын чиг хандлага, үнэлгээний төрөл бүрээр даалгавар боловсруулах арга зүй, суралцагчийн зан төлөв, хандлагыг үнэлэх чиглэлээр сургалт, семинарыг удирдан, дадлага ажлын хүрээнд бага боловсролын үнэлгээ, түүний тулгамдсан асуудлаар шийдэл, гарцыг хэлэлцлээ.
Мөн салбарын яамнаас 2017-2018 оны хичээлийн жилийн зорилтын хэрэгжилт, тулгамдсан асуудал, 2018-2019 оны хичээлийн жилд хэрэгжүүлэх ажлын талаар хэлэлцэх сургалт-семинарыг тавдугаар сарын 21-25-нд аймаг, нийслэлийн БСУГ–ын дарга, ахлах мэргэжилтэн, ЗДТГ–ын боловсрол хариуцсан мэргэжилтнүүдийн оролцоотой зохион байгуулахаар боллоо.
ЕРӨНХИЙ БОЛОВСРОЛЫН БОДЛОГЫН ГАЗАР