Нийслэлийн Сүхбаатар дүүргийн XIII хороонд 8х6 хэмжээтэй байшин шатаж байна гэсэн дуудлага өчигдөр 10:12 цагт Онцгой байдлын албанд иржээ. Дуудлагын дагуу очиж галыг унтраасан бөгөөд харамсалтай нь гэрт байсан дөрвөн хүн угаартаж амиа алдсан байжээ.
Тодруулбал түймэрт иргэн 61 настай, эрэгтэй Н, 58 настай, эрэгтэй Т, 56 настай, эрэгтэй Э, 56 настай, эмэгтэй Д нар угаартаж нас барсан тул цогцсыг гаргаж нийслэлийн Цагдаагийн газрын удирдлага зохион байгуулалтын хэлтсийн жижүүрийн бүрэлдэхүүнд шилжүүлэн өгсөн байна. Эл хэргийг цагдаанар шалгаж байна. Уг айлын зургаан настай хүүхэд байшингийнхаа амбаар хэсэгт цаас шатааж тоглож байгаад галд алдсаны улмаас энэхүү харамсалтай хэрэг гарсан байж магадгүй гэнэ.