Нийслэлийн Баянзүрх дүүргийн 11-р хороо, Ургах наран хорооллоос Хонхор чиглэлийн авто зам дагуу Бумбат, Цэцээ гүний ам руу салдаг уулзварын баруун талын зорчих хэсгийн ус зайлуулах хоолой эвдэрсэн байна. Үүнээс болж, авто зам ч эвдрэн аюултай болжээ. Тиймээс тавдугаар сарын 5-наас тус хэсгийн замыг түр хугацаанд хааж, засварын ажлыг эхлүүлжээ. Ингэхдээ түр зам гаргасан байгаа тул түүнийг сонгон хөдөлгөөнд оролцох боломжтойг нийслэлийн Авто замын хөгжлийн газраас мэдээллээ.