Монголын туялзуур сэлэмний холбооны насанд хүрэгчдийн улсын аварга шалгаруулах тэмцээн Багануур дүүрэгт болов. Эрэгтэйчүүдийн долоо, эмэгтэйчүүдийн зургаа дахь удаагийн тэмцээнд зургаан багийн нийт 100 орчим тамирчин өрсөлдөхөд эрэгтэйчүүдийн ангилалд Б.Батхүү, эмэгтэйчүүдэд Б.Гэрэлмаа нар аваргаллаа.
Энд онцлоход Б.Гэрэлмаа тус тэмцээнээс тав дахь алтан медалиа авсан бол Б.Батхүү хошой аварга болжээ. Мөн багийн улсын аварга шалгаруулах тэмцээн энэ үеэр болоход эрэгтэйчүүдэд “Хангарьд” спорт хороо илүүрхсэн бол эмэгтэйчүүдээс “Ub Fencing” клуб түрүүлсэн байна.