Монголын Хөлбөмбөгийн Холбоо, Олон Улсын Хөлбөмбөгийн Холбооны төсөл хөтөлбөрт шалгарч шигшээ багуудын бэлтгэлийн бааз байгуулахаар болсон. Үүний дагуу Төв аймагт бэлтгэлийн баазын шав тавих ёслолыг зохион байгууллаа.
Шав тавих ёслолд МХБХ-ны техникийн захиарал Ш.Жаргалсайхан, Төв аймгийн засаг дарга Ж.Батжаргал, Төв аймгийн ХБХ-ны төлөөлөгчид оролцлоо. Шигшээ багуудын бэлтгэлийн бааз нь Төв аймгийн Сэргэлэн сумын нутаг дэвсгэрт 5 га газарт баригдана. Төслийг Недерландын Green field компани удирдан явуулах бөгөөд ирэх есдүгээр сар гэхэд ногоон талбайн ажлыг дуусгахаар зорьж байна.
Монголын Хөлбөмбөгийн Холбоо есөн насны шигшээ баг байгуулсан учраас байнгийн бэлтгэл сургуулилалт хийх талбай, материаллаг бааз зайлшгүй шаардлагатай болсон юм. Тэрхүү шаардлагын улмаас шигшээ багийнхан гадаад улсуудад бэлтгэл хийж байсан. Шигшээ багуудын бэлтгэлийн баазтай болсоноор төсөв мөнгө хэмнэх, цаашлаад өөрсдөө гадаадад зорчих бус эх орондоо хүлээн авдаг болох, тогтмол бэлтгэлтэй байх зэрэг олон давуу талтай юм.