Үндэсний сагсан бөмбөгийн холбооны плей оффын нэгдүгээр шатны тоглолтууд өндөрлөлөө. Дорнод бүсийн хоёрдугаар байраар плей оффд шалгарсан Бостон Селтикс нэгдүгээр шатанд Милауки Бакстай оноолт таарсан. Мэргэжилтнүүд гол тоглогчдоо бэртэлд алдсан Бостон Селтикс нэгдүгээр шатнаас хасагдана гэж таамаглаж байсан ч цуврал долоон тоглолтод 4:3-аар илүүрхэж хоёрдугаар шатанд шалгарлаа. Бостон Селтиксээс Кайри Ирвингийн эзгүйд Терри Розер энэ цувралд гялалзаж багтаа хожил авчирсан.
Цувралын долоо дахь тоглолт өнөө өглөө “TD Garden”-д явагдахад 112:96-рр Бостон хожсон. Энэ өдөр Терри Розер 26 оноо, есөн оновчтой дамжуулалт өгсөн юм. Мөн туршлагатай тоглогч Ал Хорфорд 26 оноо авч 17 довтолгооны 13-ыг нь оноо болгожээ. Мөн анхны улиралдаа тоглож буй Жесон Татум 20 оноогоор багтаа тусласан юм.
Харин Баксаас долоо дахь тоглолтод Крис Мидлетон 32 оноо авч багаа тэргүүлсэн бол Яннис Антетекумпо 22 оноо авсан юм. Харамсалтай нь Яннис 17 довтолгооныхоо долоог нь л оноо болгожээ.
Эхний шатыг амжилттай давсан Бостон Селтик хоёрдугаар шатанд Филаделфиа 76 тай өрсөлдөх юм.
О.Дашням