Ширээний теннисний ДАШТ-д оролцох Монголын эмэгтэй тамирчид өнөөдөр Швед улсыг зорилоо. Тус тэмцээнд дасгалжуулагч Т.Мэргэнээр ахлуулсан улсын аварга, спортын мастер М.Дэлгэрмаа, спортын мастер, Б.Должинзуу, дэд мастер М.Ундрам нарын тамирчид оролцох юм байна.
Энэ жилээс дэлхийн аваргын журамд өөрчлөлт орж, рейтингээрээ эхний 72-т эрэмбэлэгдэж буй багууд оролцож байгаа ажээ. Монголын эмэгтэй баг 68-72-р байрыг хуваан эзэлдэг юм байна. Харин эрэгтэй багийн хувьд 72-т эрэмбэлэгдэж байсан ч, олон улсын тэмцээн уралдаанаас оноо цуглуулж чадаагүй учир шинэ журмаар дэлхийн аваргад оролцох эрхгүй болж байгаа юм байна. Эмэгтэй тамирчид өнгөрсөн жил өсвөрийн Ази тивийн АШТ-д оролцсон байр сууриа хадгалж үлдэхэд нөлөөлсөн аж.