1996 оноос хойш Лондонгийн “Арсенал”-ыг удирдаж Английн аваргаар гурван удаа,Английн цомуудыг долоон удаа эзэмшсэн Францын мэргэжилтэн Арсен Венгер олон жил хашсан ахлах дасгалжуулагчийнхаа албанаас энэ улирал дуусгаад огцорхоор шийджээ. “Багийн дотор үүсээд байгаа нөхцөл байдлыг сүүлийн үед нилээн тунгаан бодлоо. Одоо Арсеналаас явах цаг ирсэн бололтой. Багтаа өчнөөн олон жил үр дүнтэй ажиллах боломж олгож байсанд туйлын их баярлалаа. Арсеналын бүх бие бүрэлдэхүүнд мөнхөд талархан амьдрах болно” гэж Венгер бичиж байна.