Хөвсгөл аймгийн хэмжээнд ноолуурын үнэ ханш энэ жил хамгийн өндөр байсан боловч өнөөдрөөс буурч эхэллээ.
Ноолуур анх 90 мянган төгрөгнөөс эхэлсэн бөгөөд үнэ нэмэгдсээр 108 мянган төгрөг болсон боловч ноолуур элбэгшиж эхэлсэнтэй холбогдуулан үнэ ханш нь буурч 104 мянган төгрөг болжээ. Сүүлийн үед цаг агаар тогтворгүй байсан учраас малчид ихэвчлэн эр ямаагаа самнаж байсан бол ойрын өдрүүдэд цаг агаар дулаарч эм ямаа болон борлонгоо самнаж эхэлсэн байна. Цаашид ноолуурын үнэ ханш буурах төлөвтэй байна гэдгийг ченжүүд хэлж байлаа.