Төрийн банкны нэхэмжлэлтэй “Жаст”-ын Ш.Батхүүд холбогдох 51 тэрбум төгрөгийн асуудлаар шүүх хурал өнөөдөр 14.00 цагаас Чингэлтэй, Баянзүрх, Сүхбаатар дүүргийн анхан шатны хэргийн шүүхэд эхэллээ. Шүүх хурал 14 хоногийн өмнө товлогдсон байсан ч уг хэрэгт холбогдогч Ш.Батхүү өөрийн биеэр оролцох хүсэлтийг гаргасан тул ийнхүү хойшлуулаад байсан юм. Шүүх хуралд Ш.Батхүүг өөрийн биеэр ирж оролцож байна. Төрийн банкны зүгээс уг 51 тэрбум төгрөгийг Г.Алтжингийн хүү Эдуард Сүрэнд гаргаж өгөх шүүхийн шийдвэрийг эсэргүүцэн ийнхүү шүүхэд хандсан аж.