Өнгөрсөн солилцооны цонхоор Лос анжелос Клипперсийн тоглогч асан Блэйк Гриффин Дэтройт Пистонс баг руу солигдсон. Таван 173 сая долларын гэрээтэй байсан тэрээр шинэ багтаа тун хурдан идээшиж байгаа бөгөөд хуучин багаа ч шүүмжлээд амжлаа.
Блэйк Гриффин “Би олон зүйл бодохгүй байхыг хичээж байна. Шинэ орчин, шинэ багтайгаа нэгдэхийг л хичээж байна. Гэвч Пистонс баг тоглогчдоо харж халамжилж байгааг, асуудлыг шийдэж байгааг хараад мэргэжлийн хүмүүс ингэж л ажилладаг юм байна гэсэн бодол төрлөө. Мэргэжлийн спортын баг ийм л байдаг юм байна. Би энд ирээд л ухаарлаа” гэж хэлжээ.
Өнгөрсөн нэгдүгээр сард болсон солилцоо хоёр багт хоёуланд нь ашигтай солилцоо болсон гэж хэлж болно. Пистонс баг ойрын хугацаанд өндөр амжилт үзүүлэх зорилгоор ид үе дээрээ явж байгаа тоглогчийг авсан бол Клипперсийнхэн багаа шинээр босгох ажлаа эхлүүлэхийн тулд ирээдүйтэй залуу тоглогчдыг авсан билээ.