НҮБ-ын Ерөнхий Ассамблейн 2012 оны хуралдаанаар хүн гэдэг амьтан сайн сайханд тэмүүлж, аз жаргалтай байхыг чиг мөрөөдлөө болгодог бодгаль учраас “Аз жаргалын өдөр” гэсэн баярын өдөртэй байх нь зүйтэй гэсэн шийдвэр гаргаж байсан аж.
Тиймээс жил бүрийн гуравдугаар сарын 20-ны өдрийг “Дэлхийн аз жаргалын өдөр” болгож улс орнууд зохих хэмжээнд боловсрол ба гэгээрүүлэх хөтөлбөрийг ашиглан тэмдэглэж байх зөвлөмжийг өгсөн байна.
Өнгөрсөн онд гэхэд л дэлхийн хамгийн аз жаргалтай орноор Норвеги Дани, Исланд, Швейцарь гэсэн улсууд эхний дөрөвт жагссан байна. Эдгээр улсууд засгийн газрын үйл ажиллагаандаа сэтгэл ханамжтай байдаг төдийгүй эрх чөлөө, шударга байдал, эрүүл мэндийн үзүүлэлт, орлогын түвшингээр илүү үзүүлэлттэй байсан аж.