Мессеж зар болон утасны дуудлагын дагуу очиж биеэ үнэлдэг охид эмэгтэйчүүдийг хүчиндсэн этгээдүүдийг баривчилжээ. Хэргийг үйлдэхдээ мессеж зараар дамжуулан биеэ үнэлэгч охид эмэгтэйчүүдтэй уулзаж, хуурч мэхлэх замаар дарамталж, ёс бусаар бэлгийн харьцаанд ордог, эд зүйлийг нь дээрэмддэг, айлган сүрдүүлдэг байсан аж.
Одоогийн байдлаар таван хэрэгт долоон хохирогч байгааг олж тогтоосон бөгөөд хэргийг үйлдсэн байж болзошгүй 1989 онд төрсөн А,Ч нарыг саатуулсан тухай Эрүүгийн цагдаагийн албанаас мэдээлээд байна. Тэд өмнө нь эрүүгийн хэрэгт удаа дараа холбогдож, дээрэмдэх, хүчиндэх, хулгайлах гэмт хэргээр ял эдэлж байсан болохыг урьдчилсан байдлаар тогтоожээ.
Тиймээс мессеж зарын дагуу очиж бусдад эд зүйлээ дээрэмдүүлсэн, хүчиндүүлж, хүн худалдаалах гэмт хэргийн хохирогч болсон хүн байвал Эрүүгийн цагдаагийн албанд хандахыг цагдаагийн байгууллага анхааруулж байна.