Өнгөрсөн ням гаригт Монгол бөхийн өргөөнд казак түмний үндэсний Наурызын баярт зориулсан аймаг, цэргийн цолтой бөхчүүд болон залуу бөхчүүдийн барилдаан боллоо. Тус барилдаанд 256 бөх зодоглосноос Баянхонгор аймгийн Баянбулаг сумын харьяат, хурц бадрангуй арслан Н.Золбоо найм даван түрүүлж, Хөвсгөл аймгийн Шинэ-Идэр сумын харьяат, аймгийн арслан Ц.Сандагдорж үзүүрлэв.
Н.Золбоо арслан өнгөрсөн намраас хойш таван барилдаанд зодоглож, дөрөв дэх түрүүгээ хүртсэн нь энэ юм. Их шөвөгт Сүхбаатар аймгийн Онгон сумын харьяат, аймгийн хурц арслан Ш.Мөнгөнбаатар, Хөвсгөл аймгийн Галт сумын харьяат, аймгийн арслан А.Давааням нар шалгарав.