Нийслэлийн Соёл, урлагийн газраас санаачлан сар бүрийн Бямба гарагт Д.Сүхбаатарын талбайд “Номоо солилцъё” өдөрлөгийг зохион байгуулдаг уламжлалтай. Гуравдугаар сарын 10-ны өдрийн бямба гаригт зохион байгуулсан өдөрлөгт 150 орчим иргэн оролцжээ. Энэхүү өдөрлөгт Улаанбаатар хотын нийтийн төв номын сан, Hello UB төрийн бус байгууллага хамтран ажилласан байна.
Дараагийн “Номоо солилцъё” өдөрлөг ирэх дөрөвдүгээр сарын 7-ны бямба гаригийн 12:00-14:00 цагийн хооронд Д.Сүхбаатарын талбайд зохион байгуулагдах ажээ. Иймд эрхэм уншигч та бүхнийг хүрэлцэн ирж, өөрт байгаа уншсан номоо өөр сонирхсон номоороо солилцохыг Нийслэлийн Соёл, урлагийн газраас уриалсан байна.