Өчигдөр сонирхогчдын улсын аварга шалгаруулах сум дундын волейболын тэмцээн болох “108 cup” эхэлсэн. Энэхүү тэмцээн нь Буянт-Ухаа спорт цогцолборт энэ сарын 7-ны өдрийг хүртэл үргэлжлэх юм.
Монгол Улсын Волейболын түүхэнд анх удаа эрэгтэй, эмэгтэй 216 багийн 2000 гаруй тамирчид оролцож буй нь энэхүү тэмцээний онцлог. “Монголын Англи хэлний Академи”, “IBT Thunder” клубын санаачлагаар зохион байгуулагдсан тус тэмцээн 108 сумын баг тамирчид нэгэн дээвэр дор чуулж, хурд, хүч, авхаалж самбаагаа сорин өрсөлдөж байна.
-“108 CUP” СОНИРХОГЧДЫН УАШ СУМ ДУНДЫН ВОЛЕЙБОЛЫН ТЭМЦЭЭНД 108 СУМЫН 2000 ГАРУЙ ТАМИРЧИД ОРОЛЦОЖ БАЙНА-
Тэмцээнд А зэрэглэлийн тэмцээнд тоглодог тамирчид оролцохгүй мөн аймгийн төв, Улаанбаатар хотын тамирчид оролцох боломжгүй юм.
Б.АМАРТҮВШИН