УИХ-ын гишүүн Д.Гантулга нь 2017 оны зургадугаар сард 25 настай бүсгүйг хүчиндсэн хэрэгт холбогдсон. Хэргийн газраас авагдсан нотлох баримтад хийсэн шинжилгээний хариугаар ДНК нь УИХ-ын гишүүн Д.Гантулгынх мөн болох нь эцэслэн тогтоогдсон бөгөөд түүнд Эрүүгийн хэрэг үүсгэн шалгах боломжтой болсныг холбогдох албаныхан мэдэгдсэн билээ.
Өнгөрсөн баасан гаригт буюу хоёрдугаар сарын 23-ны өдөр Баянзүрх дүүргийн шүүхэд Д.Гантулгыг сэжигтнээр татан цагдан хорих тухай прокурорын саналыг хэлэлцэж, түүнийг сэжигтнээр татан цагдан хорих боломжгүй гэж үзжээ. Шүүх Д.Гантулга хүндэтгэн үзэх шалтгаангүйгээр ирээгүй гэсэн үндэслэл тогтоогдохгүй байгаа учраас ийнхүү сэжигтнээр цагдан хорих боломжгүй гэж үзсэн байна.
Энэ оны хоёрдугаар сарын 22-ны өдөр Нийслэлийн прокурорын газраас Д.Гантулгыг яллагдагчаар татах тогтоол гаргасан тухай олон нийтэд мэдээлсэн. Тогтоолыг танилцуулах гэсэн боловч тэрбээр гадаад, дотоодод томилолттой шалтгаанаар ирээгүй байдаг.