“Пёнчан 2018” өвлийн 23 дугаар олимпийн наадмын нээлтийн үйл ажиллагаа БНСУ-ын Пёнчан хотын “Ганнам Айс арена”-д эхэллээ. Энэ удаагийн олимпийн наадамд таван тивийн 92 орны 2925 тамирчин спортын 15 төрлөөр 306 багц медалийн төлөө хурд хүч, авхаалж самбаа, тэсвэр тэвчээрээрээ өрсөлдөх юм.
Нээлтийн ёслолд олимпийн наадмын өлгий нутаг болох Грек улсын баг тамирчдаас эхлэн зохион байгуулагч орны цагаан толгойн үсгийн дарааллаар оролцогч орнууд төрийн далбаагаа мандуулан олимпийн цэнгэлдэх хүрээлэнд жагсан орж ирж байна. Монголын баг тамирчид 25 дугаарт жагсаж орж ирлээ. Энэ удаагийн олимпийн наадамд Монголын багийн тугийг гүйлтийн цанын 15 км-ын зайд уралдах ОУХМ Б.Ачбадрах барьж жагссан юм.
О.ДАШНЯМ