Сурагчдын амралтыг хойшлуулсантай холбогдуулан хичээлийн шинэ жилийн бүтцэд өөрчлөлт оруулах тухай БСШУС-ын сайдын тушаал гарлаа. Сайдын тушаалаар ЕБС-ийн жилийн бүтэц дэх III улирлын амралтын хуваарь болон зуны амралт эхлэх хуваарьт дараах өөрчлөлт оржээ. Мөн орон нутгийн сурагчид Цагаан сараар нэг долоо хоног, мал төллөх үеэр хоёр долоо хоног амрана. Аймаг, сум, тосгон, багийн сургуулийн III улирлын амралтыг гуравдугаар сарын 26-наас дөрөвдүгээр сарын 8-ныг дуустал, харин нийслэлийн ЕБС-иудын III улирлын амралтыг гуравдугаар сарын 22-ноос дөрөвдүгээр сарын 1-нийг дуустал, мөн нийслэл, хөдөө орон нутгийн сургуулийн сурагчдын зуны амралт I, II дугаар анги зургаадугаар сарын нэгнээс, III-V анги зургадугаар сарын 8-наас, V-XII анги зургадугаар сарын 15-наас эхлэн амрах ажээ.