Монголын хөлбөмбөгийн холбоо /МХБХ/-ны Ерөнхийлөгч сар шинийн баярын өмнө 60-аас дээш насны ахмад хөлбөмбөгчдөө хүлээн авч хүндэтгэл үзүүллээ.
Тус холбоо нь жил бүрийн цагаан сарын өмнө ахмад хөлбөмбөгчдийг хүлээн авч, уулздаг уламжлалтай. МХБХ-ны Ерөнхийлөгч А.Ганбаатар энэ уулзалтын үеэр 2017 онд хийж бүтээсэн ажлуудаа танилцуулсан байна. Тухайлбал, лигийн өрсөлдөөн, хөгжил, шигшээ багуудын амжилт, цаашдын зорилго, орон нутагт хэрэгжиж буй жижиг талбайн төсөл, шигшээ багийн бэлтгэлийн баазын талаар танилцуулсан юм. Мөн холбооны Ахмадын зөвлөл тэмцээн уралдаанаа зохион байгуулахад МХБХ талбай, санхүү, шүүгчид гэх мэт бүх боломжийг гаргаж туслахад бэлэн гэдгээ ахмад тамирчдад уламжилсан байна.