БНСУ-ын Пёнчан хотод өвлийн XXII наадамд эх орноо төлөөлөн оролцох Монголын цаначин Б.Ачбадрах, Ч.Отгонцэцэг нар дасгажуулагчын хамт өнөөдөр Солонгос улсыг зорин нислээ. Энэхүү олимп эхлэхэд гурван хоног үлдээд байна.
Манай тамирчдын хувьд Б.Ачбадрах маань энэ сарын 15-нд уралдах бол Ч.Отгонцэцэг маргааш нь олимпийн гүйлтийн цанын цасан замд гарах хуваарьтай байна. Мөн тус хотын “Альпесиа” гүйлтийн цанын төвд Македон улсын баг тамирчидтай бэлтгэл сургуулилт, цанын тослогоо, хувцас солих өрөөг хамтран ашиглах юм байна.
Г.МӨНХЦАЦРАЛ