“Ардчиллын өлгий нутаг” гэгддэг АНУ ардчиллын индексээрээ ирэх жил Монгол Улсын доор бичигдэх төлөвтэй байгаа гэсэн мэдээлэл гадны хэвлэлүүдэд гарчээ. Улс орнуудын ардчилал, эрх чөлөөг хөгжүүлж байгаа байдалд үнэлгээ хийж, чансаа тогтоодог “Freedom house” байгууллагаас гаргадаг чансаанд АНУ-ын эзлэх байр сүүлийн нэг жилд огцом доошилсон байна. Д.Трамп АНУ-ыг ерөнхийлөгч болсноос хойш тус улсын ардчиллын чансаа хүний эрх, эрх чөлөө, улс төрийн эрх , эрх чөлөө, олон улсын тавцанд хүлээх хариуцлага гэх мэт бүх үзүүлэлтээр огцом уруудаж, 20-иос хойшоо байр эзлэх болжээ.
“Freedom House”-ын чансааг Скандинавын хойгийн Швед, Норвег, Финланд улсууд 100 онооноос 100 оноо авсан үзүүлэлтээр тэргүүлж, Баруун Европын Герман, Их Британи, Испани, Австри, Франц зэрэг улсууд өнгөлсөн байна. Монгол Улс энэ чансаанд 85 оноо авсан үзүүлэлтээр АНУ-ын ардхан талд жагсч байгаа нь ийнхүү “АНУ ардчиллаараа удахгүй Монголд гүйцэгдэх нь” гэж бичигдэх шалтгаан болжээ.