Өнөөдөр Лос анжелос Клиппэрс багийн талбайд Хьюстон Рокэтсчууд зочлон ирлээ. Өрнөд бүсийн хоёр шилдэг багийн дүэлд талбайн эзэд 113-102-ийн харьцаатай хожсон юм. Энэхүү тоглолтонд хоёр багийн тоглогчид талбай дээр маргаан үүсгэсэн. Улмаар Хьюстен Рокетс багийн Харден, Крис Пол, Грийн, Ариза гэсэн тоглогчид Клипперс багийн хувцас солих өрөөнд Остон Риверс болон Блэйк Гриффинтэй уулзах гэж орсон байна. Гэсэн ч элдэв асуудал үүсэхээс өмнө ордны хамгаалалтын албаны ажилчид асуудлыг намжаасан ажээ.
Тус тоглолтонд талбайн эздээс довтлогч Блэйк Гриффин 29 оноо, 10 самбараас бөмбөг авалт хийсэн бол хамгаалагч Лью Виллиамс 31 оноо 9 оновчтой дамжуулалт өгч багаа тэргүүлэв. Харин эсрэг багаас холбон тоглогч Крис Пол 16 оноо, 7 оновчтой дамжуулалтаар багаа тэргүүлсэн юм.
Б.АМАРТҮВШИН