Өнөөдөр Засгийн газрын ээлжит хуралдаантай. Хуралдаанаар 2018 оны төсвийн хуулиудын хэрэгжилтийг хангахтай холбоотойгоор авах арга хэмжээний тухай, Тусгай зориулалтаар 2018 онд агнах, барих агнуурын амьтны тоо хэмжээг тогтоох тухай, Агаарын бохирдолтой тэмцэх зарим арга хэмжээний талаар хэлэлцэх юм. Мөн Монгол Улсын Шадар сайд ШХАБ-ын хуралдаанд оролцсон дүнгийн талаар, Монгол Улсын Шадар сайдын Дэлхийн интернэтийн бага хуралд оролцсон дүнгийн талаар, Уйгаржин монгол бичгийн компьютерийн кодчоллыг шинэчлэн Олон улсын стандартад нийцүүлэх талаар Үндэсний аюулгүй байдлын зөвлөлийн Ажлын албанаас өгсөн чиглэлийн талаар болон Хөдөлмөр, нийгмийн хамгааллын сайдын гадаад томилолтын талаар Төсвийн хөрөнгө оруулалтын гүйцэтгэл зэрэг 20 орчим асуудлыг хэлэлцэх товтой байна.