Ардчилсан хувьсгалын 28 жилийн баяр энэ өдрүүдэд болж байна. Яг одоо тус баярын хурал Соёлын төв өргөөнд болж буй юм. Хуралд Ардчилсан намын удирдлага, гишүүд дэмжигчид оролцож байна.
Хурлыг нээж Ардчилсан намын дарга С.Эрдэнэ үг хэллээ. Тэрбээр “Одоогоос 28 жилийн тэртээ Монгол оронд нэг намын тогтолцоог халж, томоохон хувьсгалыг та бид хамтдаа хийсэн. Энэ үйл явдал Монголын түүхэнд тодоор Ардчилсан хувьсгал хэмээн бичигдэж, хүний эрх, эрх чөлөөг баталгаажуулснаас хойш 28 жил өнгөрч байна” хэмээн гишүүд дэмжигчдэдээ баярын мэнд хүргэлээ.
Мөн энэ үеэр АН-ын гишүүд дэмжигчдэд төрийн одон медаль гардуулав.